વાચક મિત્રો જિંદાબાદ

મારી પ્રથમ ગુજરાતી લઘુનવલ “નવોદય”ને આપે દીલથી ચાહી અને વધાવી તે બદલ આપનો અંતઃકરણપૂર્વક આભાર માનુ છું. “નવોદય”ના વેચાણ થકી નેક્ષસ પબ્લીકેશન દ્વારા મને જે રોયલ્ટી મળી એ મેં https://bharatkeveer.gov.in/ પર આપણા વીર શહિદ જવાનને અર્પણ કરેલ છે. આ કાર્યમાં હું તો નિમિત્ત માત્ર છું, ખરા સહાયકર્તા તમે વાંચકમિત્રો જ છો. “નવોદય”નું પ્રથમ પ્રકરણ મેં આ બ્લોગ પર મૂકેલું જ છે. એટલે જેમને પણ “નવોદય” વિષે તાલાવેલી છે, અને પુસ્તક ખરીદવું કે કેમ એની અવઢવમાં હોય એ પહેલું પ્રકરણ વાંચી શકે છે.

Microfiction બાઇટ્સ – “સર્જન”નું નવલુ નઝરાણુ

માઇક્રોફિક્શન વાર્તાનું પોતાનું એક અલગ બંધારણ છે. આ બંધારણને અનુસરીને “સર્જન” પરિવારના સાહિત્યકારો માઇક્રોફિક્શન રચે છે. એ વાર્તાઓમાંથી ઉત્તમ વાર્તાઓની પસંદગી કરાય છે. ચાર ગળણે ગાળીને એ વાર્તાઓનું સંકલન થાય છે. આથી જ “સર્જન”ના તમામ પુસ્તકો લોકપ્રિય બન્યા છે.

એશિયા અને ઇંડિયા બુક ઓફ રેકોર્ડ્સ – ૫૭ પુસ્તકોનું વિમોચન એક દિવસે – ૨૨.૦૨.૨૦૨૨

૧૦ વર્ષથી લઈ ૭૦+ વર્ષના સાહિત્યકારો તેમના પેપરબેક પુસ્તક એક સાથે એક મંચ પર લઈને આવ્યા. ૫૭ પુસ્તકોનું પ્રકાશન થયું અને વિમોચન થયું. આ વિરલ ઘટનાની નોંધ લેવાઈ અને એશિયા બુક ઓફ રેકોર્ડ્સ તથા ઇંડિયા બુક ઓફ રેકોર્ડ્સે પણ વિસ્તૃત નોંધ લઈ આ આયોજન તથા દરેક પુસ્તકને અધીકૃત કરી સર્ટીફિકેટ આપ્યા.

કોરોના યોદ્ધા (ગુજરાતી) – ભાગ ૧ અને ૨ – પુસ્તક પરિચય

કોરોના યોધ્ધાઓની દાસ્તાન આપણે સૌએ અખબારમાં, ટીવીમાં, સોશિયલ મિડીયામાં વાંચી અને સાંભળી. આ યોધ્ધાઓની ગાથાને શબ્દ સ્વરૂપે અંકિત કરવા “નેક્ષસ પબ્લીકેશને” વાર્તા સ્પર્ધાનું આયોજન કર્યું. સૌ મિત્રોએ આ સ્પર્ધાને વધાવી લીધી અને તેઓએ કોરોના યોધ્ધાઓની ગાથાને શબ્દ દેહ આપ્યો. દરેક વાર્તા કોરોના વોરિયર્સના સંઘર્ષને વણે છે, તેમની મનોસ્થિતિને રજૂ કરે છે અને ખાસ તો આપણને સહુને આવુ નેક કાર્ય કરવા પ્રેરિત કરે છે. કેટલાય એવા લોકો છે જેમના કાર્યોની નોંધ લેવાઈ નહોતી, કેટલીયે એવી ઘટનાઓની નોંધ લેવાઈ નહોતી –એવા કાર્યો, એવી ઘટનાઓ વાર્તાઓ સ્વરૂપે રજૂ થઈ અને સમાજને એક નવી રાહ બતાવતી થઈ છે.

ગુલમહોર ગર તુમ્હારા નામ હોતા!

કહે છે ગુલમહોર મડાગાસ્કરમાં જન્મેલુ. યુરોપિયન ત્યાંથી પોતાને ત્યાં લઈ આવ્યા. ફ્રાંસના લોકોએ તો એટલું વધાવ્યું કે એને “સ્વર્ગનું ફૂલ” એવું નામ આપ્યું. તો અમેરિકાના મિયામીવાસીઓ તો વળી એનાથી એક કદમ આગળ નીકળા. તેઓ પોતાના વાર્ષિક પર્વને ગુલમોહરના ફૂલ આવે ત્યારે મનાવે. “રોયલ પોઈંશિયાના ફેસ્ટીવલ મિયામી” એવું ગૂગલ કરજો. અને હા, આ પોઈંશિયાના નામ એ ૧૮મી સદીમાં ફ્રેંચ ગવર્નર કાઉંટી ડી પોઈંશીએ પોતાના નામ પરથી રાખી દીધું, બોલો લ્યો… આ ગુલમહોરના ફ્રેંચ ફૈબા.. આઇ મિન ફુઆ!

ઊંઘવા જેવું સુખ નહીં – ગોપાલ ખેતાણી

નિદ્રાદેવીની મારા પર ઘણી કૃપા રહેલી છે. કોઈપણ સ્થળે મને ઊંઘ આવી જાય એની સફળતાની ટકાવારી લગભગ એંસી ગણી શકાય. વીસ ટકાની નિષ્ફળતામાં ગરમી અને મચ્છરોનો ફાળો રહેલો છે. મૂળે હું રાજકોટવાસી એટલે હવે તમે સમજી જ ગયા હશો! હમણાં રાજકોટમાં એક દિવસમાં જ અઢાર ઈંચ વરસાદ વરસી ગયો, પણ બપોરે એક થી ચાર તો વરસાદે પણ રજા રાખેલી. રાજકોટમાં તમે રાત્રે એક વાગ્યે બીન્દાસ કોઈને ફોન કરી શકો. પણ બપોરે કોઈને ફોન કરતાં પહેલા સાચવવું? “બપોરે એક થી ચારમાં ખરીદી માટે રજનીકાંત પણ આવશે તોયે દુકાન નહીં ખુલે” એવી ખુમારી (ને ‘ઊંઘ) રાજકોટવાસીઓની!

તોત્તો ચાન – પુસ્તક પરિચય

દરેક વ્યક્તિને પોતાની શાળાના મજેદાર સંસ્મરણો હશે. મસ્તી કરી હશે, નવું નવું શીખ્યા હશે, તોફાનો કર્યા હશે. "તોત્તો ચાન" પુસ્તક આમ જુઓ તો કંઈક એવું જ છે જે તમને તમારા સંસ્મરણોના સાગરમાં ડૂબકી લગાવવા પ્રેરીત કરશે. પણ અહીં જે શાળા છે એ દુનિયાની બધી શાળાઓ કરતાં એક દમ જૂદી છે. કઈ રીતે? તો વાંચો આ પરિચય! 

એમેઝોન કિંડલ પર ‘નવોદય’

https://amzn.in/ck7WYl9 આપ સૌ એ મારી લઘુનવલ "નવોદય"ને દિલથી ચાહી અને વખાણી પણ! મને જણાવતા આનંદ થાય છે કે લઘુનવલ "નવોદય" હવે એમેઝોન કિંડલ પર પણ પ્રકાશિત થઈ ચૂકી છે. નીચે લીંક આપી છે. https://www.amazon.in/dp/B086V57WGQ?ref_=k4w_ss_store_lp_uc આપ સૌ કિંડલ પર પણ હવે વાંચી શકશો. આપના મિત્ર વર્તુળને જણાવશો તો આનંદ થશે. આપ સૌના પ્રેમ અને સપોર્ટ માટે … Continue reading એમેઝોન કિંડલ પર ‘નવોદય’

મુઘલ ગાર્ડન – રાષ્ટ્રપતિ ભવન

મુઘલ ગાર્ડન વિષે જે મેં લેખ લખ્યો છે અને તે પણ ફોટોઝ સાથે તે અક્ષરનાદ પર ઉપલબ્ધ છે.

લિંક મૂકુ એ પહેલાં તમે "દેલ્હી હાઇટ્સ" મૂવીના ગીતના શબ્દો માણો. જો કે લેખનો ભા અને મૂવીના શબ્દોની ફિલીંગ બન્ને અલગ ઝોનમાં છે છતાં દિલ્હી શહેરના ભાવ સાથે જોડાતું આ ગીત ગમશે.

"જાગેગી રાત ભર, ઔર ભાગેગી,

સાથ પર; પર ડાલેગી, બે લગામ ખયાલોં કો;

પૂછેગી, યે સવાલ ઔર, માગેગી, યે હિસાબ

ના સૂનેગી, તેરે ઇન જવાબોં કો;

યહાં હૈ ઇક નદી, ઔર વહાં હૈ એક, લાલ કીલા

પર કહાં હૈ, ઇસ શહર કા ફલસફા?

યહાં આંસુ ઔર ગીત; ઔર જવાની થી મૈને તેરે નામ કી;

આવારા થી રાત, ઔર સડકે થી સબ મેરે બાપ કી;

ઔર મૈં થા, તુ થી ઔર થી દિલ્હી બસ!"