એક વાક્યની માઇક્રોફિક્શન – માઇક્રોસર્જન

#સર્જન માઈક્રોફિકશન#
ધારા એક…સંભાવનાઓ અનેક

૧
“નિર્ભયાની ચીસોમાં શું દ્રૌપદી જેટલું દર્દ નહોતું? બોલને કાના.”
મિત્તલ પટેલ

૨
લગ્નની પહેલી રાતે પાણી મપાઈ ગયા. પહેલા પતિનું પછી કૂવાનું.
અંકુર બેંકર

૩
પત્રિકામાં સવારે પિતાજીને આપેલી શ્રદ્ધાંજલિ સાંજે પડીકું થઈને ઘરે પરત આવી.
ભારતીબેન ગોહિલ

૪
શબવાહિનીનો ડ્રાઈવર ડિલિવરી પતાવીને ઘરે જતો ત્યારે તેની કકળાટીયણ બૈરી અને દારૂડિયો બાપ બહુ જ વહાલા લાગતા.
દિના રાયચુરા

૫
“મા એ બરાબર દિવાળીટાણે નાતરું ન કરવું જોઇએ.
શેઠને ત્યાં કેટલું કામ છે!”
રુડી બબડતી રહી.
લીના વછરાજાની

૬
દહેજનાં દોજખમાં હોમાતી પાઘડી આજે પણ રાહ જુએ છે, દ્રૌપદીનાં ચીર પુરનારની.
જિજ્ઞેશ કાનાબાર

૭
પેટની આગ ઠરી પણ શરીર આખું બળવાં લાગ્યું.
મીનળ પંડ્યા -જૈન

૮
ઠંડુ પાણી વેંચતા રાજુની આંખના પાણી વરસતા વરસાદમાં ભળી ગયા.
ગોપાલ ખેતાણી

૯
કુટણખાનાની બહાર ‘અંગદાન’ની હોર્ડિંગ જોઈને એ બબડી. “હંધાયને ચૂંથવું છે.”
સંજય ગુંદલાવકર

૧૦
કુહાડીનો ઘા પડવામાં હતો ને ત્યાં જ ઝાડમાંથી અવાજ આવ્યો,
“વિલ યુ બી માય વેલેન્ટાઈન!”
શીતલ ગઢવી

http://Microsarjan.in