નૈના અશ્ક ના હો! – પરમવીર ભારતીય સેના

ashwinbhai

મસ્ત મજાની જાન્યુઆરીની ઠંડી..અને એમાં પણ જો તમે દિલ્હીમાં હોવ…અને વિચારો કે રાત્રે ફ્લાઈટ પકડવાની હોય તો મજા પડી જાય ને?!

પાંચ જાન્યુઆરીના રોજ અમારા સર્જન ગૃપની માઈક્રોફીક્શન રચનાઓના બીજા પુસ્તક ‘માઈક્રોસર્જન-૨’નું વિમોચન હોય હું દિલ્હીથી અમદાવાદ જવા ટર્મીનલ-૧ પર સાંજે સાત વાગ્યે પહોંચ્યો. થોડું કટક-બટક કરી બોર્ડીંગગેટ પાસે આવ્યો. બોર્ડીંગને હજુ વાર હતી એટલે ઘરે ફોન કર્યો. મારું ગુજરાતી એક વ્યક્તિને સંભળાઈ ગયું યંગ અને ડેશિંગ એ ભાઈ મારી પાસે આવ્યા અને અમારી વાતો શરુ થઈ. અશ્વીનભાઈ સિક્કીમથી આવતા હતા અને પોતાને ગામ જવા અમદાવાદ જઈ રહ્યા હતા. તેઓ ભારતીય સેનામાં કાર્યરત છે. તેઓ જમ્મુ-કશ્મીરમાં પણ ફરજ બજાવી ચૂક્યા છે. સૌ પ્રથમ તો મેં તેમની જોડે સેલ્ફી લઈ લીધી કારણકે ઘણા લોકો મહેણા-ટોણા મારે છે કે ગુજરાતીઓ સેનામાં જોવા નથી મળતા. અને આ વાત મેં અશ્વીનભાઈને કહી તો તેમણે કહ્યું કે ના, ના, એવું સાવ નથી. તેમની જોડે જ લગભગ ૫૦ જેટલા ગુજરાતીઓ છે.

મૂળ વાત પર આવું તો તેમણે જેટલો સમય વાત કરી તેમાં તેમનું જિંદાદીલ વ્યક્તીત્વ છલકાયું. એક પણ વખત તેમણે એવું ના કહ્યું કે અમને મુશ્કેલી છે કે અમને આવી સમસ્યા નડે છે. મારો ખાસ મિત્ર મેજર છે અને મને ખ્યાલ છે કે જમ્મુ-કશ્મીર, સિક્કીમ, રાજસ્થાન બોર્ડર અને એવી કેટલીયે જગ્યાએ જવાનોને કેટલી સમસ્યાઓ હોય છે. પણ આ ભાઈ આપણા “આનંદી કાગડા” જેવા લાગ્યા. તેઓએ જે વાત કરી એમાં મને એવું લાગ્યું કે આ તો સમસ્યા કહેવાય પણ તે કહેતા હતાં કે “અમે આવી રીતે રહીએ, આમ બધાં સાથે મોજ મસ્તી કરીએ. તમને એક મહીનાની આટલી લાંબી રજા મળી જાય પછી શું જોઈએ? સિનિયર્સ તમને મદદ કરે. હા, અમારે શિસ્તમાં રહેવું પડે, સિનિયર્સનું માન જાળવવું પડે પણ એ અમારા માટે જ મદદરૂપ છે ને?. જમવાની કશી સમસ્યા નથી. કમાંડર દરરોજ આવી જમવાની ગુણવત્ત ચકાસે.” અને આવી તો ઘણી વાતો થઈ. પણ આ આખી વાતનો મુદ્દો તો એક જ

“નૈના અશ્ક ના હો”.. કોઈ પણ સમય કે સ્થળ હોય..”નૈના અશ્ક ના હો!”

અને  અમદાવાદથી પરત ફરતાં પણ મને એક જવાન મળ્યા. બહુ ટુંકી મુલાકાત હતી એટલે નામ યાદ નથી. તેઓ અમદાવાદ ફરજ બજાવે છે. અને રજા પર જઈ રહ્યા હતા, પોતાના વતન… નેપાળ. યસ, નેપાળના જવાન પણ ભારતીય સેનામાં છે અને આપણા દેશની રક્ષા કરી રહ્યા છે.

૨૬મી જાન્યુઆરીની પૂર્વ સંધ્યાએ એક અદના નાગરીક તરફથી આપણી ભારતીય સેનાને સલામ! અને મિત્રો એક અરજ છે…યુધ્ધ અને ત્રાસવાદી પ્રવૃત્તીને ડામવા સિવાય એકદમ વાહિયાત કારણસર આ જવાનોએ કશે આવવું પડે એ દેશવાસીઓ માટે શરમજનક છે. બંધ, હડતાલ, તોફાનોમાં આપણે દેશની મિલકતને નુકસાન પહોંચાડીએ અને સાથે સાથે સેનાના જવાનો સાથે પણ અન્યાય કરીએ છીએ. આવો, સાથે મળીને એક મજબૂત રાષ્ટ્રના નિર્માણના સહભાગી બનીએ, જેથી આપણા જવાનોને પણ ગર્વ થાય.

જય હિંદ.

Advertisements

9 thoughts on “નૈના અશ્ક ના હો! – પરમવીર ભારતીય સેના

  1. Hello Gopalbhai,
    Thank you for posting this article on Republic Day’s eve. It is pleasant surprise to know that lot of Gujju bhai are in sena. Salam from all Gujaratis.
    Jaihind.
    Keta Joshi

    Like

  2. આજ ના પ્રજાસત્તાક દિને ગુજરાતીઓ માટે ગર્વ લેવા જેવી ગુજરાતી જવાનની વાત લખી એ ખૂબ આનંદની વાત

    Like

    1. આપનો પ્રતિભાવ જુસ્સો વધારે છે. દેશભકિત સદા દિલમાં વસે એ જ અભ્યર્થના! જય હિન્દ!

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s